fbpx

Rethink Investment

Uncategorized

من نحن؟

الاستثمار في البورصة بدون عمولة مع ميركوانت

– ميركوانت هي اول شركة سمسرة بدون عمولة , لتداول الاسهم في مصر و السعودية و الامارات.
تسهل المنصة تداول الاسهم عن طريق ازالة عوائق كثيرة.
بالاضافة لتقديم مجال واسع من الخدمات التعليمية و الخدمات الاستثمارية.

بدون عمولة !

انك تعرف العمولة قد اية ده شئ مهم جدا,
في شركات سمسرة كتيير موجودين وبيفرضوا عمولات كتير عليك, زي:

  • الحد الادني, للبداية في التداول مع معظم الوسطاء تحتاج لحد ادني من المال لكي تقوم بفتح حساب.
  • عمولة عند سحب المال, يقوم الوسطاء بفرض عمولة عند سحب المال.
  • اسعار لحظية, بعض الوسطاء يقومون بفرض عمولة لاتاحة البيانات للعملاء.
  • خدمات استشارية, يقوم الوسطاء بفرض عمولة علي الاستشارات الاستثمارية. منها بيع\شراء الاسهم.
  • عمولة على التداول : تفرض جميع شركات الوساطة عمولات على معاملات البيع والشراء
  • عمولة حفظ: يتم فرض عمولة سنوية على الاسهم التي تكون في المحفظة الاستثمارية
  • عمولة صرف كوبونات: يتم فرض عمولات على صرف ارباح الشراكات

وبعد العمولات دي كلها, لو السهم خسر انت اللي بتتحمل الخسارة

مافيش الكلام ده مع ميركوانت

مع ميركوانت وفر واستثمر ببساطة

حاليا يتم العمل على ترخيص الشركة من الهيئة العامة للرقابة المالية
حاليا مافيش اي معاملات مالية
لحد ما نحصل على التراخيص

فور انتهاء التراخيص هنكون موجودين في قائمة الشركات المرخصة من الهيئة هنا
https://www.fra.gov.eg/jtags/efsa_ar/companies.jsp?start=1&code=7

هتكسبوا منين؟

احنا بنفكر بطريقة شركة تكنولوجيا معلومات
هدفنا في المكسب على المدى البعيد
المهم عندنا نقدم خدمة مفيدة فعلا للناس نقدر بيها نستقطب ملايين العملاء اللي هنقدم لهم بعد كدا خدمات اضافية مدفوعة
والخدمات المدفوعة دي هتبقى احترافية وفي زيها مجاني بس محدود على مجموعة معينه من الشركات
بحيث اننا منكنش بنجبر حد عليها وعشان منكنش بنحط اي عائق على الشباب
هدفنا هو ازالة كل الحواجز عشان الشباب يستفيد ويستثمر والبلد تستفيد وينعكس ده بردوا على الشباب وتدور عجلة التنمية
لان البورصة بتعكس اقتصاد البلد واحنا عايزين البورصة تبقى لكل الناس
حاليا مافيش اي معاملات مالية واحنا بنحاول نخلي الناس تتعلم وتدرب في الوقت الحالي عشان يكونوا مستعدين لما نبدء
وحتى لو بقوا مستعدين وحبين يتعاقدوا مع وسيط تاني مافيش اي مشكلة احنا كدا نبقى حققنا هدفنا وشجعنا الناس على الاستثمار فعلا وده المهم
ممكن تدرب هنا
https://invstr.com
https://contest.mubasher.info

Uncategorized

تاثير ليندي

تعرف انه الكرسي اللي انت قاعد عليه ده يرجع تاريخه للقدماء المصريين؟؟

وتصميمه متغيرش كتير من وقتها

والأحذية والملابس تم اختراعهم من الالف السنين

ولسة على وضعهم

في حاجات كدا بتتحدى الزمن

كل الحاجات القديمة كدا,

زي الآثار العظيمة اللي في مصر واغاني ام كلثوم اللي على طول بنشتاق ليها

الحاجات اللي بتتحدي الزمن دي في العادي بتكون أفكار وتصاميم ووصفات

احنا عارفين ان الاشياء المادية بتكون نهايتها التلف

لما بتشوف راجل كبير جدا في السن وشاب صغير 

تقدر تقول ان احتمالية ان الشاب يبقى عايش كمان سنة اكبر من الراجل الكبير, مش كدا؟

ده قانون الحياة بالنسبة لمعظم الأشياء المادية

لكن لما تفكر في الكرسي والاحذية, 

متقدرش تعرف امتى الناس هيبطلوا يستخدموا الحاجات دي

وده يخلينا نلاحظ حاجة مهمة جدا واحنا بنحاول التنبؤ بالمستقبل

الحاجة دي اسمها تأثير ليندي

Lindy Effect

وده جزء بيتعرض له الكاتب اللبناني الأصل نسيم نقولا طالب

في كتابة البجعة السوداء : تداعيات الأحداث غير المتوقعة

وده كان ثاني كتاب في سلسلة أعماله الادبية اللي تحت اسم 

Incerto

تأثير ليندي بيقول, ان في حاجات كل يوم زيادة ليها بيزود في عمرها مش بيقلله

والموضوع ده بيطبق على الاشياء اللي مش بتتلف

وده بيبان بسهولة مع اغاني زمان اللي بتتحدى الزمن وبنحن ليها

واغاني اليومين دول اللي مش بتعيش يومين على بعض

كل ما الحاجة عاشت اكتر كل ما توقع عمرها يزيد وتستمر في الحياة

احنا بنستخدم الملاعق بقالنا الالف السنين

ونقدر نتوقع وبثقة ان احنا هنفضل نستخدمها سنيين كتير كمان

تاثير ليندي ده مش كلام من حديد ولا قانون, لكن هو ملاحظة وقاعدة كويسة نستخدمها لما نحب نفكر في المستقبل

بيقول الكاتب ان معظم الحاجات اللي فضلت عايشة الخمسين سنة اللي فاتو

هتفضل موجودة خمسين سنة كمان

اما الحاجات اللي لسة طالعة امبارح, هتتنسى بكرة

الموضوع بسيط, لو في حاجة نجحت في تحدي الزمن, معنى كدا انها حاجة كويسة وليها قيمة

مش كدا ولا ايه؟

وتقدر تستخدم التفكير مع اي حاجة كتب, اغاني, وصفات وبرامج وحتى شركات

بيقول نسيم ان الكتاب اللي فضل يطبع لمدة أربعين سنة, نقدر نتوقع انه هيفضل يطبع أربعين سنة كمان

ودي الطريقة اللي نسيم بيتبعها في كتابة كتبه

هو فكر ازاي اخلي الكتب بتاعتى تفضل تطبع عشرين سنة قدام

وبدل ما يفكر في أنه يكتب كتاب يفهمه شخص من المستقبل

كتب بطريقة مبسطة واكنه اتنشر من عشرين سنة فاتوا .. كتبة قيمة جدا .. لازم تقراها

لو وصلت لحد هنا, يبقى ده معناه انك متابعنا وعارف اننا سمسار بورصة

ومستغرب ازاي الكلام ده ينطبق على البورصة والاسهم

اه في احتماليات وكتب وكدا بس برضوا 

أية علاقة ام كلثوم باللي بيحصل في البورصة اللي نزلت الارض دي؟؟؟؟

الموضوع لية علاقة قوية جدا, وهو ببساطة اتباع نصيحة وارن بافت في الاستثمار

وهو أغنى مستثمر في البورصة في العالم 

اول نصيحة لازم تقراء, كتيير 

وأهم كتاب لازم تقراه هو كتاب المستثمر الذكي
تلخيص كتاب المستثمر الذكي

اشمعنى الكتاب ده؟

لية مقراش كتاب لسة نازل جديد

لية اقرا كتاب من السبعينات ؟

عشان الكتاب ده لسه بيطبع لحد النهاردة

وده اول كتاب بينصح بيه وارن بافت 

وده بيتبع تاثير ليندي اللي اتكلمنا عليه

وزي ماقلنا ان تأثير ليندي ده مجرد قاعدة مفيدة مش قانون, ممكن تلاقي استثناءات عادي

لكن لو اتبعت كتاب المستثمر الذكي وفكرت في الاسهم بعدسة تأثير ليندي

هتقدر تختار أسهم شركات تتحدى الزمن

لان الشركة اللي فضلت بتكسب لسنين, معملتش كدا من فراغ

اكيد الشركة دي قوية واحتمالية انها تفضل تكسب عالية

ودي نقطة مهمة جدا في اختيار الأسهم

متبصش على سعر سهم الشركة بس,

لازم الشركة تكون قوية لسنين كتير

ومتبداش استثمار من غير ما تتعلم

وده هدفنا في ميركوانت

نوفر لك كل المعلومات و الأدوات اللي تحتاجها عشان تبدأ 

ومعاك خطوة بخطوة

احنا مش مجرد اول سمسار بدون عمولة وخلاص

سجل دلوقتي بايميلك في قائمة الانتظار عشان نتواصل معاك اول ما ننتهي من تراخيص الشركة
https://merquant.com/?ref=mrq1

مافيش أي معاملات مالية في الوقت الحالي .. هدفنا بس هو التوعية في الوقت ده

لو سجلت هيبقى ليك سهم هدية وكمان سهم عن كل شخص يتعاقد عن طريقك

كل ده واكتر عشان نساعد الشباب على البدء في الاستثمار .. ببساطة

تلخيص كتاب المستثمر الذكي Uncategorized

تلخيص كتاب المستثمر الذكي

النهاردة وارن بافيت ثروته تقدر ب ٧٥ مليار دولار

وهو اغنى ثالث رجل في العالم وأغنى مستثمر في البورصة

سنة ١٩٤٩ كان عنده ١٩ سنة لما قرأ كتاب عن الاستثمار

الكتاب ده قال عليه انه احسن كتاب اتكتب عن الاستثمار

وهو كتابة المفضل لحد النهاردة

الكتاب ده هو كتاب المستثمر الذكي

من تأليف بنجامين غراهام

وهو مؤسس مبدأ استثمار القيمة

value investing

وهو اصبح استاذ وارن بافيت بعد كدا في جامعة كولومبيا

لو مهتم بالاستثمار يبقى لازم تقراء الكتاب ده

وتستثمر وقتك فيه

ولو معندكش وقت

تقرأ ٦٠٠ صفحة

كمل البوست عشان تقرا ملخص للكتاب

وتابعنا عشان تتعلم أكثر عن الاستثمار 

اول حاجة قبل ما تبدأ في الاستثمار في البورصة أو غير البورصة

انك تفهم الأساسيات بتاعت المجال اللي هتستثمر فيه

تركيزنا هنا هيكون عن الاستثمار في البورصة

البورصة هي سوق زي اي سوق

بيخضع لقانون العرض والطلب

بس الفرق بينه وبين الأسواق التانية انه بيتباع فيه حصص في شركات واللي هي الأسهم

السهم ده حصة ملكية في شركة

ولما تشتري سهم يبقى اشتريت حصة في شركة

وقيمة السهم بتزيد وبتقل مع قيمة الشركة

زي الدهب كدا, لما بتشتري ذهب النهاردة بسعر

وتروح تاني يوم تبيعه بسعر تاني

ممكن سعر البيع يكون اقل من سعر الشراء فكدا تكون خسارة

او ممكن يكون اعلى فتبقى كسبت

الأسهم قيمتها بتزيد وتقل زي الدهب كدا

والتقلب في السعر ده بيبقى مقدار الربح او الخسارة

بس المميز في الأسهم

انها مش دهب اشتريته وخلاص

السهم ده جزء من شركة بتنتج وبتكسب

وحضرتك بامتلاكك للسهم بتكون شريك في الشركة دي

يعني كدا ليك جزء من الأرباح

كدا ممكن نعتبر السهم زي شراء شقة

تقدر تكسب منها لما تبيعها 

وكمان تقدر تكسب لو أجرتها

أرباح الشركة يتم توزيعها على اصحاب الاسهم

بس لو الشركة مكسبتش مافيش ارباح بتتوزع في الحالة دي

وسعر السهم ممكن يزيد او يقل لاسباب كتييير

عشان كدا لازم تخلي بالك من مخاطر الاستثمار في البورصة

بس لو فهمة البورصة وعرفة ازاي تختار الشركات وازاي تدير المخاطر هتقدر تكسب 

لازم تستثمر بذكاء

على مر السنين في ناس كتير كسبوا وناس اكتر خسروا

التاريخ مليان بمستثمرين زي وارن بافيت

اللي حققوا ارباح هائلة من الاستثمار في الشركات الصح

المستثمر الذكي بيطبق ٣ مبادئ:

اولا: المستثمر الذكي بيفكر في الاستثمار على المدى البعيد ومش بيستثمر في شركة عشان عليها اخبار والناس بيقولوا ان سعرها هيزيد وخلاص

ولا بستثمر في شركة عشان سعرها بيزيد كل يوم بدون سبب ويتسرع ويشتري سهم عشان ميضيعش الفرصة

ده اسمه مضاربة

المستثمر الذكي مش بيضارب, بيستثمر فقط في شركات قوية اللي سعرها أقل من قيمتها الحقيقية

وبيحلل الشركات كويس ومش بيبص بس على الأرباح الحالية

المستثمر الذكي بيرجع في الزمن وبيعمل اشعة اكس للشركة قبل ما يستثمر فيها

متوقعش في فخ النظر على الأسعار والاخبار والتحليلات من غير ما تكون فاهم الشركة وعارف تاريخها

ثانيا: المستثمر الذكي بيحمي نفسة من الخسارة وتقلبات الأسواق عن طريق تنويع الاستثمارات

التنويع بيكون في البورصة وبرا البورصة

عشان مافيش استثمار بدون مخاطرة

متحطش فلوسك كلها في سهم واحد ولا قطاع واحد

تخيل اللي هيحصل لو طلع خبر وحش عن الشركة او القطاع ده

بالتنويع هتقدر تقلل الخسائر اللي ممكن تحصل بسبب خبر زي ده

وعشان تقلل الضغط النفسي الناتج عن الاستثمار في البورصة

لازم تتبع معادلة استثمار صارمة

وهي توسيط ​​التكلفة الدولارية

Dollar Cost Averaging

ودي ببساطة استراتيجية بتتبعها عشان تستثمر على المدى البعيد

بان تحدد مبلغ تقوم باستثماره كل شهر وتقوم بشراء نفس الاسهم اللي اشتريتها قبل كده بغض النظر عن سعرها

طب ازاي ؟ مش كده هخسر؟

الأسهم دي انت اخترتها قبل كدا عشان هي أسهم شركات قوية وانت محللها كويس

وبالاستثمار كل شهر هتقدر تزود استثماراتك في الشركات دي وتستفيد من التقلبات في الأسعار

وبكدا هتقلل متوسط سعر الاسهم اللي بتملكها

ثالثا: المستثمر الذكي عارف انه مش هيبقى مليونير من يوم ليلة ومش ده هدفه 

هدف المستثمر الذكي أنه يحصل على عائد آمن وثابت على المدى البعيد

وزيادة ثروته يوم بعد يوم واحدة واحدة

دي كدا المبادئ الثلاثة اللي المستثمر الذكي يطبقها

الكتاب فية دروس اكتر من كدا بكتير … لازم تقراء الكتاب

آخر نقطة لازم تخلي بالك منها هي تقلبات السوق

تخيل لو سمسار شقق كل يوم يجي يقلك شقتك ثمنها كذا 

والسعر بيتغير كل يوم

فيوم السعر بيكون قليل جدا ويوم تاني السعر عالي جدا

ده هو السوق وتقلباته

وبايدك انك توتر نفسك وتقلق من تقلب الأسعار 

او تبقى محدد اهدافك وتدرس الشركات كويس وتستثمر بذكاء واخر حاجة تبص عليها هي السعر

تابعنا عشان تتعلم اكتر عن الاستثمار

ولو حابب تبداء تستثمر في البورصة دي فرصتك عشان تستثمر بدون عمولة

ميركوانت اول سمسار بورصة بدون عمولة

سجل دلوقت بايميلك عشان تكسب سهم هدية وكمان سهم عن كل شخص يتعاقد عن طريقك

https://merquant.com/?ref=mrq1

ميركوانت مش مجرد وسيط بدون عمولة

احنا هدفنا تقديم المحتوى والمعلومات والأدوات اللي تحتاجها عشان تستثمر ببساطة واحدة واحدة

حاليا مافيش اي معاملات مالية لحين الانتهاء من التراخيص

بس تسجيلك معانا ها يخلينا نقدر نتواصل معاك اول ما نبداء ان شاء الله 

وكمان هتجمع أسهم هدية مننا عشان تبدأ الاستثمار بيهم من غير ما تدفع فلوس

Uncategorized

البورصة واصحابك

احسن حاجة في الدنيا هي انك تشتري شقة وتاجرها لناس
فكدا تكون حاطيت فلوسك في الشقة وكمان بتاخد منها عائد شهري

بس للاسف الحلو ميكملش
الشقق مش رخيصة والشباب اللي زيينا صعب يبدأو استثمار في شقة

بس متقلقش في حل بس هو محتاج حبة مجهود ومذاكرة بس في الاول عشان الموضوع غالبا هيكون جديد عليك

قبل ما نقول الحل

خليني احكيلك قصة ١٠ اصحابك

ال ١٠ دوول كان فيهم
٣ شطار جدا
و٢ فشلة جدا
و ٥ متوسطين

المهم بعد ما اتخرجوا قرر كل واحد منهم يفتح مشروع هما فكرين انه ناجح جدا
وعرضوا عليك تكون شريك بجزء من راس المال
وفي المقابل هتاخد جزء من الارباح
حسب نجاح المشروع

كدا قدامك ١٠ مشاريع تقدر تكون شريك فيهم
هتعمل ايه؟
اكيد هتفكر في الموضوع كويس
وتدرس افكار المشاريع
وتتكلم مع اصحابك وتعرف هما هيعملوا ايه

وبناء على الكلام معاهم تقرر المشروع ده هيبقى ناجح ولا لا
ممكن بعد ما تخلص كلام معاهم تقرر تشارك ال ٣ الشطار بس
عشان هما شطار وفهمين
وكمان فكرة المشروع كويسة كلام منطقي صح؟
بس زي العقارات
المشاركة في مشاريع بتحتاج راس مال

هنا يجي الحل اللي قصدنا عليه

الكلام اللي فوق ده هو اللي بيحصل كل يوم في البورصة
من مئات الشركات اللي بتعرض عليك تكون شريك زي اصحابك دوول
وكمان بيقسموا اربحهم كل سنة معاك
لو في ارباح ومافيش توسعات للشركة

والميزة الأكبر عشان اسهم الشركات بتكون بالملايين
فبيكون سعر السهم رخيص

في اسهم بجنيهات معدودة في البورصة المصرية
غير كدا ميزة الاسهم عن العقارات انها اسهل في البيع والشراء
وفيها تنوع كبيير
بس محتاجة حبة مذاكرة بس في الاول
تعرف الاساسيات وتعرف كل شركة وضعها ايه
زي ما عملت مع اصحابك

وبعديييين؟؟

وبعد ماقررت تستثمر في البورصة
هتحتاج سمسار موثوق فيه عشان تتعامل معاه

فانت ممكن تدور وتشوف العمولات بتاعت السماسرة وتشوف حد العمولة قليلة
ويكون بيقدم تطبيق احترافي تتعامل عليه

بس للاسف احتمال كبير متكملش بسبب العمولة والمنصات المتاحة
هو اه العمولة ممكن تكون قليلة في بعض الشركات وتوصل الى 3 في الالف
بس بيكون في حد ادنى على الاقل 20 جنية
(الكلام ده يختلف من شركة للتانية)

كدا لوحبيت تشتري سهم واحد بعشرة جنية هتدفع عليه على الاقل 20 في العملية
يعني هتدفع 20 وانت بتشتري و20 تانية وانت بتبيع
يعني لازم السهم تمنه يزيد 40 جنية عشان متبقاش خسران
وده طبعا صعب يحصل في فترة قصيرة

وده معناه انك عشان تسكب من البورصة لازم تكون مليونير
وكدا هتفتكر ان البورصة مش للشباب
بس متقلقش مع ميركوانت البورصة لكل الناس

احنا اول وسيط اوراق مالية بدون عمولة
وبدون حد ادنى
عشان كل الناس يستثمروا


احنا حاليا بنعمل على اجراءات ترخيص الشركة
ومافيش اي معاملات مالية لحين انتهاء التراخيص

بس حضرتك تقدر تسجل في قائمة التسجيل بالايميل عشان نتواصل معاك فور انتهاء التراخيص
https://merquant.com

نتمنى ان حضرتك تسجل وتعمل شير عشان نقدرنفيد كل الناس

Uncategorized

صندوق الطوارئ

الاستثمار مهم جدا خصوصا للشباب
الاستثمار مش صعب ولا معقد, الموضوع بسيط جدا
محتاج منك بس تقراء شوية وتتعلم
التعليم والدراسة اصلا نوع من انواع الاستثمارات
انت لية بتروح المدرسة ولا الجامعة وبتصرف فلوس اهلك او الفلوس اللي بتشتغل بيها لو بتصرف على نفسك

ليه بتضيع السنين دي كلها في الدراسة وانت ممكن تشتغل وتقبض ؟
الاجابة وبكل بساطة هى الاستثمار
انت واهلك بتستثمروا في مستقبلك عشان متفضلش بتشتغل نفس الشغلانة طول حياتك
وحتى لو الظروف مكنتش مساعدة – لاقدر الله – لازم تفكر في بكرة .. متقفش وتقول خلاص الظروف كدا اعمل اية

الخلاصة استثمر في نفسك وتعليمك ومستقبلك
واستثمر فلوسك

لو متابعنا هتكون عارف اننا سمسار بورصة من غير عمولة
فطبيعي تركيزنا هيكون على الاستثمار في البورصة
بس احنا مش عايزينك تستثمر فالبورصة
مش عايزينك تستثمر في البورصة قبل ما تتعلم كل الاساسيات
وتدرب وتبقى بورصجي قد الدنيا والكلام عن البورصة عندك يبقى زي الكلام عن الكورة
نزل التطبيق ده وافتحه 5 دقائق كل يوم بس وتعالى نتكلم كمان شهر
https://invstr.com

احنا مش عايزينك تستثمر فالبورصة
وتدفع عمولة, عشان كدا احنا سمسار من غير عمولة
بس لسة الشركة بتترخص, يعني مافيش اي معاملات مالية دلوقت
كل اللي حضرتك تقدر تعمله انك تسجل بالايميل في قائمة الانتظار هنا:
https://merquant.com

احنا محتاجينك تسجل وتدعو اصحابك وتعرف الناس كلها عشان نفيد اكبر قدر من الناس
وكمان عشان نتواصل معاك فور انتهاء التراخيص لاتمام التعاقد
وتسجيلك ده بيشجعنا ويخلينا نؤمن اكتر بهدفنا ونكمل التحدي ده

احنا مش عايزينك تستثمر فالبورصة
او غير البورصة من غير ماتكون شايل فلوس على جنب للظروف
يعني تعمل صندوق طوارئ

عشان محدش يضمن الظروف ولا الايام
لازم يكون فيه فلوس كاش متوفرة عشان لو لاقدر الله اي حاجة حصلت

يعني اية صندوق طوارئ؟
ببساطة يعني فلوس في حساب توفير
تكون موجودة كاش
عشان – لاقدر الله- لو حصل اي ظرف تكون مستعد ليه

عشان لو كنت مستثمر فلوسك فاي استثمار متروحش تبيع
ولو مش مستثمر عشان تبدء تستثمر وعشان الظروف

اية المطلوب في صندوق الطوارئ ده؟
الموضوع بسيط جدا
تحسب انت بتصرف كام في الشهر
وتفتح حساب توفير
وتحط فيه فلوس تكفي مصاريفك الشهرية من 1 الى 6 شهور
ويفضل ميقلش عن 3 شهور

وانا اجيب منين الفلوس دي؟؟؟
زي اي استثمار الموضوع مش لازم يتم في يوم وليلة
كل واحد وعلى قد مقدرته
المهم تحط هدف وواحدة واحدة تحاول تنفذه

بس كدا ؟
اه بس كدا, الموضوع بسيط جدا
المهم متخليش الوصول الى صندوق الطوارئ سهل
عشان متصرفش منه كل شوية
احنا مش عايزينك تصرف حاجة خالص
وتوفر وتفكر في كل قرش قبل ماتصرفه
هل انت محتاج تشتري الحاجة دي فعلا؟
فالغالب الاجابة بتكون لا

خلاصة الكلام

Uncategorized

التقاعد المبكر, ازاي؟

لية تشتغل طول عمرك لحد ما يكون عندك 50 سنة؟؟.

لية تضيع عمرك في وظيفة مش بتحبها؟

اكييد في اسباب وظروف كتير بتبقى مفروضة علينا

بس برضو ده جزء من ثقافتنا

لازم تشتغل وضيع حياتك في الشغل

لدرجة انك تبقى مدمن شغل ومتبقاش عارف تعييش حياتك ولا حتى بتستمتع باي حاجة تانية غير الشغل

لا في حاجات كتيير ممكن تعملها غير الشغل

الشغل مش كل حاجة

او على الاقل يبقى الشغل في حاجة انت بتحبها ويكون عندك حرية وتعييش حياتك

متتجوزش الشغل .. عيش حياتك

طب تمام ده كلام جمييل الشغل وحش والحياة حلوا .. وبعدين هعيش ازاي ؟؟

موضوع التقاعد المبكر ده بسيط جدا انك توصلة

وكمان مش معناه انك هتبقي قاعد في البيت من غير شغلة ولا مشغلة

في التقاعد المبكر هتقدر تحقق التحرر من الفلوس وتشتغل بمزاج على حاجة بتحبها

تتفسح وتخرج وتسافر .. تعييش حياتك انت مدير نفسك

عشان التقاعد المبكر مش جزء من ثقافتنا فانت ممكن تفتكر انه حاجة وحشة

عشان التقاعد المبكر عندنا هو لما يكون عندك 55 سنة والشركة تقولك هنحيلك على المعاش وهتاخد تقاعد مبكر وكدا

فاحنا بنربطة بانه قطع ارزاق وحاجة وحشة

اتقاعد امتى يعني؟

بس مش ده اللي احنا عايزينك تفكر فية

احنا عايزينك تفكر في تقاعد وانت عندك 30 او 40 سنة حاجة كدا في السريع وانت لسة عمرك قدامك تشتغل كام سنة وتعيش حياتك


طيب ازاي هعيش ازاي برضوا؟ ده انا كدا محتاج ملايين عشان اقدر اعيش 40 سنة بعد التقاعد ولا حاجة ومع التضخم وتعويم الجنية والازمات الاقتصادية ده انا مش هكمل 10 سنين على بعض في الظروف اللي فيها العالم دي

متقلقش هنحسبها مع بعض وهنحدد اهداف مناسبة ليك. المهم تفكر في الموضوع وتاخد بالك انك مش محتاج ملايين ولا حاجة وتقدر توصلة واحدة واحدة

ببساطة كل اللي احنا عايزينه هو اننا نوصل لمبلغ مناسب لمصاريفك الشهرية ويكون كبير كفاية انه مع الاستثمار يفضل محافظ على القيمة الشرائية مقابل التضخم

لية؟ ببساطة عشان الملايين من غير استثمار بعد كام سنة هتكون قيمتها زي الالفات بسبب التضخم


Merquant app interface

الحل ..؟

كل اللي مطلوب هو الاستثمار في قطاعات مختلفة بحيث يكون عائد الاستثمار اكبر من التضخم وكمان تنويع الاستثمار بيامنك من انهيار اي قطاع بعينه مافيش حاجة امان 100% العقارات كانت سبب الازمة الاقتصادية سنة 2008

والجنية في يوم ولليلة اتعوم والدولار سعره بيضعف بسبب المشاكل بين الصين وامريكا والجنية الاسترليني مش معروف هيروح فين بعد البريكست

كدا اهم نقطة تطلع بيها من البوست ده هي التنويع في الاستثمارات

طب نستثمر في اية؟ بص وانت شباب تقدر تستحمل المخاطرة الاعلى فخلى جزء كبير من فولسك في البورصة لان لما المخاطرة بتزيد العائد بيزيد

مثال مؤشر EGX30

على سبيل المثال

مصر في مؤشر في البورصة اسمه EGX30




ده ببساطة بيتابع اكبر 30 شركة في البورصة المصرية

سنة 2009 كانت قيمتة حوالي 4000 جنية النهاردة 2019 قميتة حوالي 14000 دي زيادة 4 اضعاف غير انك هتاخد فلوس من ارباح الشركات

ده كله من غير متابعة كبيرة ومجهود يعني انت في شغلك وحياتك عادي خالص وده قيمتة بتزيد وانت نايم

على عكس العقارات مش هتروح تبص على الشقة كل شوية ولا تتعب نفسك في تحصيل الايجار

اول متقول عايز ابيع من الموبيل هتنفذ امر البيع بنفس سهولة تنفيذ امر الشراء

هتوفر اكتر كمان معانا عشان احنا مش بناخد سمسرة على اي معاملات ولافي حد ادنى للاي حاجة ولا في اشتراك اجباري كل حاجة ببلاش والبيانات والتطبيق ببلاش عشان توفر وتستثمر بسهولة

وكمان فيه سهم هدية ليك لما تسجل بالاضافة كل حد يسجل عن طريقك هتاخد عليه سهم وهو كمان هياخد سهم

ياعم ميركوانت انت سيبتنا من الموضوع وقاعد تشكر في الشركة بتاعتك وعايز تقنعني بالبورصة وانا معييش فلوس ليها

البورصة مش محتاجة فلوس كتيير ولا حاجة ده هى بس مش جزء من ثقافتنا فمش كل الناس يعرفوا التفاصيل حتى في ناس فاكرين البورصة حرام

لا البورصة حلال عادي خالص انت بتشتري حصة في شركة مافيش حاجة تحرم ده وكمان انت لما هتحط فلوسك في شركات بلدك انت هتقوي الاقتصاد بتاعنا وهتخلي الشركات تكبر وبالتالي مستوى المعيشة يتحسن والناس تحط فلوس اكتر وهكذا

كلام جميل, بس انا بقلك برضوا معيييش الافات احطها في البورصة

ما انا كنت جايلك في الكلام الاسهم في البورصة المصرية اسعرها متفاوته من نص جنيه لحد 600 جنية




تعرف انه سهم عامر جروب بحوالي نص جنية يعني ممكن تشتري 20 سهم ب 10 جنية وتروح اي مقر
للشركة وتقلهم وروني بقى ارباح الشركة بتقول اية انا مساهم في الشركة ومعايا 20 سهم



لية البورصة؟

البورصة لو تم الاستثمار فيها استثمار طويل الاجل بتكون مربحة جدا بس ده مش معناه انك لازم تستثمر في البورصة بس

بالعكس اهم حاجة تنوع في الاستثمار بس اوانت صغير تقدر تستحمل المخاطرة اكتر عشان العمر لسة قدامك فكدا تقدر تكبر الفلوس بشكل اسرع

بس لما بنقول مخاطرة بنتكلم عن مخاطرة محسوبة وبعقلانية كل حاجة فيها مخاطرة حتى الفلوس اللي في البنك

وادينا شوفنا اللي حصل لما الجنية اتعوم

ادرس وتابع واتعلم وقرر وواحدة واحدة كبر الاستثمار, احنا عايزنك تستثمر مش تعبك

ونوع في الاستثمار وخلى جزء في البنك برضوا عشان المصاريف

احط الفلوس كلها في البورصة؟

طب انا استثمر قد اية واسيب قد اية في البنك؟

في معادلة بسيطة ممكن تساعد

ببساطة سنك% يكون نسبة الفلوس اللي في البنك

يعني لو عندك 23 سنة

حط 23% من فلوسك في البنك والباقي استثمارات مختلفة

تمام انا اقتنعت بالاستثمار وهتعلم وابدا وكل شهر كدا هخصص جزء من المرتب للاستثمار
هنعمل اية بقى في موضوع التقاعد المبكر

ولا اية حاجة الموضوع بقى بسيط خالص زي مانت قلت كل شهر جزء من المرتب هيتم استثمارة. ده كل اللي محتاج تعمله والعائد التراكمي هيقوم بالباقي

نحسبها ازاي؟

الحاجة الوحيدة اللي ناقصة هي انك تحدد سن للتقاعد المبكر

فنقول مثلا انك عايز تتقاعد وانت عندك 40 سنة وانت دلوقت عندك 23 سنة

يعني معاك 17 سنة تحوش وتستثمر فيهم

ومصاريفك في الشهر3000 جنية

ومرتبك 5000 جنية فكدا معانا 2000 جنية نستثمرهم كل شهر

ونقول ان ربنا هيديك الصحة وتعيش لحد 70 فكدا معانا 30 سنة بعد التقاعد

والحمد لله التضخم بيقل في مصر فهنقول ان التضخم هيثبت على 10%

وهنقول عرفنا سكة الاستثمار وبقينا بتوع بورصة وبنعرف نجيب عائد سنوي 15% يعني يدوب 5% اعلى من التضخم. مش لازم يكونوا بورصة بس ممكن مثلا عملت بيزنس صغير اودخلت شريك مع حد او ايجار عقارات اي استثمار

كدا بعد 17 سنة بعد التضخم ال3000 جنية هتعادل 15,163.41 جنية



وكدا عشان تتقاعد بعد 17 سنة محتاج يكون معاك 2,860,723 جنية

ودول النهاردة يعملوا 565,979 جنية

يعني لو معاك 500 الف جنية النهاردة تقدر تتقاعد .. مش ملايين ياعني وفنفس الوقت مبلغ بس تقدر توصلة

طبعا الموضوع هيختلف المبلغ ده بناء على مصاريفك وهيختلف من شخص للتاني. و لو كان المثال اعقد اكثر المبلغ هيزيد بس الرسالة اللي عايزين نوصلها انه ممكن يتحقق



لو جينا بقى نتكلم على الهدف بتاع التقاعد عند سن ال40 وازاي نحققه فهنحتاج نوفر حبة فلوس من مصاريفنا

كدا هنحتاج نحوش 3,174.98 جنية كل شهر عشان نوصل للمبلغ بتاع التقاعد بعد 17 سنة



بس مش كل الناس عايزة تتقاعد عند 40 سنة وانت كمان لو هتبدا بدري هيبقى قدامك ترقيات واستثمارات فهتقدر توصلها ان شاء الله

وبعدين؟

اه المثال مبسط والموضوع هيحتاج تفكير شوية بس ده المطلوب وده الهدف انك تفكر في الموضوع

تدخل على اللينكات اللي فوق دي وتجرب ارقام مختلفة وتشوف اية المناسب معاك

في ناس عندهم 30 سنة ومتقاعدين اصلا, لية متبقاش واحد منهم؟

الموضوع محتاج شغل وتفكير, بس اية في حياتنا مش معقد؟

ماهو لو كان بسيط مكنش حد غلب, بس المهم ان الموضوع مش مستحيل

للاسف اللينكات الموجودة كلها انجليزي وده زي ماقلنا بيرجع الى ان الاستثمار والتقاعد مش جزء من ثقافتنا .. بس بسيطة واحدة واحدة مع ميركوانت هيبقى جزء من ثقافتنا

المثال اللي فوق مبسط للغاية لتوصيل الفكرة وتشجيعك انت على التفكير فيها والاستثمار. الكلام اللي هنا ده مش توجيه تنفذه على طول, لا خالص لازم تفكر في كل حاجة وتشكك في كل كلمة مكتوبة وتبدأ واحدة واحدة. تحسبها بناءً على حياتك وظروفك الشخصية .. المهم في النهاية انك تفكر في الموضوع من بدري وتبدأ وانت لسة شباب

وميركوانت هتساعدك في انك تبدأ وتتعلم واحدة واحدة من غير مخاطرة عشان هتاخد سهم مجانأ اول ما تسجل وكل حد هيسجل عن طريقك انتوا الاتنين هتاخدوا سهم هدية:



مش كدا وبس لا احنا كمان هنوفر عليك العمولة وهنسهل التسجيل والبدأ في البورصة. وهنوفر لك كل المعلومات والنصائح والاخبار والتحليلات اللي هتحتاجها عشان تداول وتاخد قرار مجانا
ده غير المنصة التعليمية المجانية عشان تفضل تتعلم .. وكله واحدة واحدة

Uncategorized

ليه لازم تستثمر ؟

االف مبروك قبضت مرتب الشهر او حوشت مبلغ كويس هتعمل بيه اية؟
لو سيبت الفلوس في البيت ممكن تتسرق وكمان هتخسر قيمتها كل يوم بسسب التضخم
خلاص هحط الفلوس في البنك للاسف ده مش هيهحل المشكلة
اه البنك امان وكمان هتاخد فوائد بس بغض النظر عن شرعية الفوائد فولسك هتفضل تخسر بردة لان الفوائد بتكون اقل من التضخم فالنتيجة فلوسك هتخسر كل يوم بردة بس نسبة اقل
خلاص انا احط الفلوس في حساب بعملة اجنبية
هنا بقى الموضوع هيكون معقد عشان هتلاقي الفائدة اقل بكتير من الفائدة اللي بالجنية
الى جانب انها هتكون اقل من قيمة تضخم العملة بردة

طب اية الحل ؟

انت لازم تبدء تستثمر ومن عمر صغير كمان وتخلي الاستثمار ده عادة عندك كل شهر جزء من مرتبك تستثمرة وتنوع الاستثمارات بتاعتك عشان عمرك ما تضمن اية اللي هيحصل في المستقبل

طب انا معرفش اي حاجة عن الاستثمار ومعييش فلووس تكفي
متقلقش ميركوانت هتساعدك
احنا هنقدم لك استشارات ودروس مجانية عشان تعرف تستثمر في اية
ايوا بس انا معييش فلوس استثمر
متقلقش بردة ميركوانت معاك
احنا بنقدملك خدمات تداول في البورصة احترافية واحسن من اي حد تاني في السوق عشان احنا هدفنا تشجيع الشباب على الاستثمار
!مش كدا وبس احنا مش هناخد منك عمولة .. ايوة مافيش عمولة
كدا انت تقدر تبداء الاستثمار بكل بساطة

ياعم انا معايا فلوس اشتري بيها اسهم منيين الاسهم دي بالالفات وانا مرتبي يادوب
لا خالص حضرتك الاسهم كتيير واسعرها تتراوح مبين الجنية لحد ال 600 جنية
طب انت تعرف ان اسهم عامر جروب وبورتو جروب الشركات المصرية اللي بتشوف اعلانتها في كل حتة دي اسعرها قل من جنية واحد للسهم

و العمل ؟

كدا معندكش حجة متبدأش. تقدر كل شهر تحط 10 جنية على جنب تستثمر بيهم دول ميجبوش ثمن علبة سجاير ومش هتحس بيهم بس مع الوقت حسابك هيكبر

ومش كدا بس الشركات بتوزع الارباح بتاعتها على الناس اصحاب الاسهم كل سنة. فهتاخد عائد كمان تقدر تستثمرة تاني وتكبر حسابك اكتر

وكمان لو كتبت ايميلك في اللينك ده هتاخد سهم مجانا وكمان لو شيرت اللينك بتاعك مع اصحابك هتاخد سهم عن كل واحد يسجل عن طريقك:

كده معندكش حجة هتستثمر هتستثمر